top of page
1Asset 19_1x12.png
ZP-76.jpeg

Waut es LW Kjinja?

LW Kjinja es ne Städ fa aule Kjinja von 0 bat 12 Joa oolt,
toom lieren Gott leewen un aundre leewen!

Dee Kjinja woaren jieda Sindach biblische Woarheiten un Wieeten lieren, derch Lekzionen, Aunbädunk, un Beschaftjungen. Eendoont waut von Ella, doa es ne Städ fa aul june Kjinja, wua dee Bibel opp soon Wajch erkjläat woat, daut see daut vestonen kjennen.

Wäarent wie met junt toop schaufen, es ons Ziel, dee Kjinja met dän werkjlichen Jesus bekaunt to moaken, endäm wie dee Bibel läwendich väastalen, äant leiden en Veheltnis to buen met Jesus, un aul dit wäarent see en Scheengonen haben dit to doonen!

Plon Jie Toom Ieeschtet Mol 
Ons To Besieekjen?

HIA ES WAUT JUNT FÄLT TO WEETEN:

Wie sent sea froo, daut jie wellen, daut dee Har junt Kjint säajent. Dee Zwakj fa Kjinja Säajnunk es, daut Elren äa Kjint ver Gott un de Kjoakj brinjen, un Siene Jnod un Weisheit sieekjen, om äare Veauntwuatungen uttofieren. Elren komen uk un bäden, daut äa Kjint een Dach woat Jesus Christus aunnämen aus äa Rada.

 

Wie jleewen waut daut en Psalm 127:3 sajcht: „Kjinja sent een Säajen vom Harn; Kjinja sent een Jeschenkj von Am.“ Kjinja Säajnunk es ne Tiet fa ons toom selebrieren un Gott danken, fa daut Jeschenkj von june Kjinja. Daut es uk ne Tiet fa junt, aus Elren, junt to veflichten un wiesen woo Jesus nofoljen utlat. Un june Kjinja opptotrakjen un äant to lieren waut daut meent, daut see jerat sent ut Jnod, derch äa Gloowen aun Jesus Christus. Un daut see jleewen, daut de Bibel dee werkjliche Woarheit es, un to weeten woo wichtich daut es, sikj to veflichten to dee Gloowes Jesalschoft derche lokale Kjoakj.   

 

Mott ekj en Kjoakjen Jliet sennen, om dän Säajen to kjrieen fa mien Kjint?

Du brukst nich en Jliet bie Lebenswasser sennen, om en Säajen to kjrieen fa dien Kjint. Wie froagen daut Famieljes Lebenswasser äa Tus nanen, wäajen wan jie doahan komen un doa deenen enne Kjoakj, dan buen jie en fausta Grunt om Säajnungen to kjrieen. Aus june Kjoakjen Famielje, sent wie hia, om met junt toop to schaufen aus Christus Sien Kjarpa un junt to unjastetten aus ne Famielje.

 

Kjennen auleenstonende Elren deelnämen aun en Kjinja Säajnunk Gottesdeenst?

Jo! Kjinja Säajnunk diet de Veflichtunk vonne Elren aun, uk dee vonne auleenstonende Elren, daut see äa Bastet doonen woaren, äa Kjint opptotrakjen en Nofolja Jesus Christus to woaren. Wie moaken auleenstonende Elren Moot, irjent wichtje Persoonen en äare Kjinja äare Läwes uk en Poat loten sennen von dän Säajnunk Gottesdeenst. Aus ne Kjoakj, es Lebenswasser veflicht, auleenstonende Elren to unjastetten, endäm wie en Christlicha Grunt vesorjen, fa daut Opptrakjen von äa Kjint.

 

Waut sull ekj erwarten fa Kjinja Säajnunk?

Kjinja Säajnunk es ne Tiet wan jie junt Kjint oppen Stage nopp brinjen, om en Säajen to kjrieen. Dee Prädja bät en besondret Jebäd äwa daut Kjint un de Elren, un dee Kjoakjen Jesalschoft unjastett dee Elren, en äa Kjint opptrakjen en een Heim waut opp Jesus jejrint es, soo daut daut Kjint en äa Gloowen waussen kaun.

FINJ ONS AUN IG

  • Instagram
bottom of page